الأديبة فيروز حبابة
تمشي على استحياء يا ليل القوافي
قلي ايش بس تقل خطاويك
تجيني معصوب العينين و حافي
تتعب قلبي الملهوف يراضيك
يا ليل آحب لونك.... كافي
على إيش تناشدني أخاويك
ما اقدر يا ليل أنطيك أوصافي
خاف بكحلها عيوني تبليك
ياااليل.. البردان وده أنيس دافي
جرب غيري يمكن يواتيك
بعمري يا ليل ما قلت ما في
هالمرة صدق ما أقدر ألبيك
مال ظهري و تيبست أطرافي
وحدها عيوني يا ليل توافيك
تسرح بمصابيحك و انت غافي
و تحفظ أسرارك ما تشي بيك
حاذر يا ليل من حلم صافي
يقلٌب عليك مواجع تعتريك
حاذر تخطفك جنية الخرافة
تطيح بأولك و تلعن تاليك
أعقلها و توكل راع المسافة
على قد بساطك مدها إجريك
و زيح عن دربي
طيح من اكتافي
يسواني يا ليل اللي يساويك
خليك لو عليل بلسم و شافي
و داوني يا ليل بال كان يداويك .
إرسال تعليق