الأديبة فيروز حبابة
اوعى تشتاق للمطر
ليش بدك هالمزراب يبكي
خلي شوقك للحجر
لا بيحن و لا بيشكي
اوعى تشتاق للدفا
لجمرات خجلٌها الوفا
لحكايات من قلب الصفا
بتاخدك لتلال مكة
اوعى تشتاق لباب
بيزقزق من نسمة هوا
خليك متل هالاعتاب
موجوع و عم تعطي الدوا
مليان متل كتاب
ع رف مغبر مرتكي
اوعى تشتااااااق
سلم ع الليل و شد على ايدو
هرج و مرج على مبارح عيدوا
خليه يفضفض اوعى تزيدوا
ناطر على اكتافك يقطر السكة
توصى شوي شوي بتنهيدة
هالصدر مرجل عم يغلي
لا تخنقك شي نفخة عنيدة
أو تطفي سراج عم يحكي
اوعى تشتاااااق
اوعى تفيق هال ناموا
بنص ساحة هالقلب
لا تصيح يا بيي...
يااااامو
عاليتم ...
مغصوب غصب
ياما من قبلك كتموا و لامو
ياما غصوا بالبكي
اوعى تشتاق للمطر
لك ليش بدك هالمزراااااب يبكي.....
إرسال تعليق